Línuskipini, sum fiska undir Føroyum, hava sum heild rættiliga smáligan fiskiskap. Hinvegin er fiskiskapurin hjápartrolarunum batnaður aftur
Línuskipini, sum seinastu dagarnar hava roynt undir Føroyum, hava lítið og einki fingið.
Jákup B og Ågot landaðu í Klaksvík í gjár, og teir høvdu sløk 40.000 pund í part.
Skipini royndu í umleið eina viku. Ein part av tíðini hevur streymurin verið hálvharðar, og fiskiskapurin hevur verið heldur vánaligur.
Polarstjørnan landaði eisini í Klaksvík mikudagin, og teir høvdu heldur ongan fisk fingið, sløk 20.000 pund.
Betri hevur gingið hjá trolarunum at fiska.
Safir og Smaragd landaðu í Klaksvík í gjár, og teir vóru mest sum fullir.
Týsdagin landaðu Navarin og Borgarin, sum eru fyrrverandi Polarhav og Stjørnan, og eisini teir vóru knappliga fullir.
Mánadagin landaðu Fjallshamar og Nónhamar, fullir undir lúkurnar.
Í gjárkvøldið skuldi Stjørnan koma á Klaksvík við 114 kørum sum taka umleið 290 kilo hvørt.
Sum skilst, skal skipið takast upp á bedingina hjá Klaksvíkar Sleipistøð.
