- Vit mugu virða tey søguligu rættindi, sum serliga línuflotin og eisini flakatrolararnir hava vunnið sær á Flemish Kap.
Tað sigur Jákup Mikkelsen, formaður í tingbólkinum hjá Fólkaflokkinum, nú landsstýrismaðurin í fiskivinnumálum er á gáttini til býta út føroysku toskakvotuna á Flemish Kap.
Føroyar eiga í ár 3154 tons av toski á Flemish Kap, góð 1000 tons meira enn í fjør. Økta kvotan hevur fingið fleiri at liggja framvið.
- Støðan hjá Fólkaflokkinum er greið, sigur Jákup Mikkelsen og peikar á línuflotan og í øðrum lagi flakatrolararnar:
