Barnatalið minkar, og nú er líkt til, at skúlarnir ikki kunnu taka ímóti øllum lærarunum, sum antin hava hug at søkja nýtt lærararstarv ella á fyrsta sinni skulu taka við lærarastarvi.
Hoyvíkar skúli hevur fingið oman fyri 50 umsóknir til trý føst størv og nøkur tíðaravmarkað størv.
Ólavur á Skipagøtu, virkandi skúlastjóri sigur, at bæði nýklaktir lærarar og lærarar, sum hava verið á øðrum skúlum, hava søkt.
Líkt er til, at limirnir í lærarafelagnum hava lurtað eftir formanninum, sum mælti lærarum til at søkja øll størv. Ólavur á Skipagøøtu sigur, at i nøkrum førum, tá ið hann hevur ringt til umsøkjarar og biðið teir koma til samtalu, hava teir longu tikið av øðrum starvi.
- Ta má merkja, at teir eru tilvitandi um at taka tað starvið, sum fyrst verður teimum boðið, sigur Ólavur á Skipagøtu.
Skúlin á Løgmannabreyt hevur fingið 40 umsóknir.
Men tað er ikki bara í Havn, at kapping er um størvini.
Skúlin við Ósánna í Klaksvík fekk 23 umsóknir til fýra størv.
Allir umsøkjararnir hava ikki tilknýti til Norðoyggjar. Hinir eru flestir úr Eysturoynni.
- Hetta kann ikki tulkast øðrvísi enn, at arbeiðsloysi er við at vísa seg millum lærarar, sigur Piddi Hjelm, skúlastjóri í skúlanum við Ósánna.
