Tað kemur fram í fyrispurningi hjá Kristinu Háfoss, sum hevur spurt Jørgen Niclasen um málið.
Hann váttar, at samstundis sum landskassin krevur 40 prosent í skatti, tá føroyingar gjalda inn eftirløn, eru bólkar í samfelagnum, sum hava framíhjárættindi og rinda 35 prosent, tá tey fáa eftirlønina útgoldna. Tænastumenn, landsstýris- og løgtingsmenn eru í hesum serbólki.
Eingin avgerð er tikin enn, sigur Jørgen Niclasen.
Heldur enn at nøra um egnan búk áttu politikarar at gingið sum fyrimyndir. Men soleiðis arbeiða politikarar ikki. Teir eru ringar fyrimyndir – tað prógva teir ferð eftir ferð. Seinni í dag fáa vit at síggja, hvat teir gera við teir púra órímuligu koyripengarnar, sum teir eisini hava játtað sær sjálvum. Teir kunnu í dag prógvað tað mótsætta av tí, vit halda um teir, og avtaka skipanina.
