Teir báðar seinastu dagarnar hevur herurin staðið á varðhaldi í Kairo og øðrum stórum býum í Egyptalandi, og tá vóru næstan eingir løgreglumenn at síggja. Men nú hevur innanríkisráðharrin givið teirri illa lýddu løgregluni boð um at taka arbeiðið uppaftur, skrivar Reuters.
Enn er kortini einki, sum bendir á, at løgreglan skal loysa herin av, og fleiri túsund hermenn og privat vaktarfeløg royna at tryggja friðin.
Hóast myndugleikarnir hava lýst útigongubann um kvøldið og um náttina, hava fleiri túsund fólk verið á Tahrir-torginum í Kairo í nátt.
Tey, sum skipa fyri mótmælunum, hava mælt til aðalverkfall í dag.
