Ólavsøka er, og tað merkir, at høvuðsstaðurin er á tremur við fólki, sum spáka oman og niðan áarvegin, ólavsøkuskrýdd.
Løgreglan sigur, at í nátt og í gjárkvøldið eru fleiri fólk endað á skaðastovuni við brotum og skaðum av ymiskum slag, tí tey eru dottin í býnum.
Vakthavandi á løgreglustøðini sigur, at summi hava fingið skaða í trappum, onnur í trampolin og summi eru bara dottin, tí tað er harður streymur á gongugøtuni í Havn.
Sum vera man er tað fyllskapur, sum fyllir skránna hjá løgregluni hesar dagarnar. Løgreglan tók í nátt ein bil, har hassj varð funnið, sum tey í bilinum ætlaðu at roykja í bilinum. Tað varð tikið frá teimum og tey eru nú skuldsett.
Somuleiðis tók løgreglan ein bilførara, sum varð ávirkaður av rúsdrekka, í gjárkvøldið.
