Fyrradagin royndi løgmaður soleiðis at gera til einkis tað, sum Sosialurin hevði skrivað við at briksla, at: »hevði okkurt verði rætt sum hann skrivaði hevði tað verði stuttligari at lisið.«
Løgmaður fekk tá nakrar konkretar spurningar, eitt nú um tað var ósatt, at BankNordik hevði mist 13 milliónir, og um tað heldur ikki passar, at Taks hevði mist slakar 200.000 krónur upp á SP/F Sisero, so sum rætturin hevur staðfest 21. september í 2009 – og aðrar konkretar spurningar.
Hesum svaraði løgmaður ikki. Men hann himprast ikki við at sleingja pástandir út, sum hann hvørki kann prógva ella undirbyggja.
Tað er ikki sørt ófrættakent, at landsins leiðari førir seg soleiðis fram. Hetta er ein trupulleiki fyri løgtingið – og ein álitistrupulleiki fyri alla ta politisku skipanina sum heild.
Tann einasti, sum kann greiða fløkjuna, er løgmaður sjálvur. Ger hann tað ikki, kundi Løgtinið álagt honum at skjalprógva, at hann ikki hevur givið landinum og ørðum tap av sínum vinnuvirksemi.
