Alt bendir á, at Kaj Leo Johannesen, løgmaður, dyrgir efter samstarvi við Miðflokkin og Poul Michelsen, sum er uttanflokkatingmaður.
Tað upplýsir Kringvarpið.
Miðflokkurin er boðin á fund við løgmann klokkan 14 seinnapartin, og leiðslan í Miðflokkinum hevur fund klokkan 15.
Jenis av Rana sigur við útvarpið, at Miðflokkurin hevur fleiri uppskot í tinginum, sum hann vil hava samtykt, umframt at tað eru mál í tinginum, sum flokkurin ikki vil hava samtykt.
- Spyrst samstarv busturúr, er ikki óhugsandi, at flokkarnir, sum mynda samstarvið, fara til løgtingsval saman, sigur Jenis av Rana við útvarpið.
