Tórbjørn Jacobsen, landsstýrismaður í undirvísingar- og mentamálum, sendi mánadagin skúlunum og fjølmiðlunum eitt rundskriv, har hann boðar frá, at grundlógardagurin ikki longur er frídagur.
Hetta átalar løgmaður hann nú harðliga fyri.
? Løgmaður er í dag gjøgnum fjølmiðlarnar kunnaður um, at tygum hava ætlanir um at broyta frídagaskipanina fyri næmingar í fólkaskúlanum, soleiðis at hesir ikki longur fáa frí grundlógardagin 5. juni, men ístaðin 1. mai.
? Talan er her um eitt rættiliga princippielt mál, sum løgmaður av tygum als ikki er vorðin kunnaður um.
? At eitt tílíkt mál verður borið fram í fjølmiðlunum, uttan at løgmaður er vorðin kunnaður, kann als ikki góðtakast. Hetta samsvarar heldur ikki við galdandi mannagongd fyri mál, ið eiga at verða viðgjørd á landsstýrisfundi, víst verður her til galdandi mannagongd sum fyriskrivað í ?uppritinum um politiskar landsstýrisfundir?.
? Løgmaður átalar hesa framferð. Harafturat ger løgmaður við hesum greitt, at hann ikki tekur undir við ætlan landsstýrismansins um at fremja hesa broyting, sigur løgmaður í brævinum.
