Onkur heldur hetta vera djarvt, onkur annar heldur, at hann kann koma til at avdúka onkrar veikar síður hjá sær sjálvum.
Men í øllum førum er tað sera avbjóðandi – og hann fær sína sak fyri.
Fyrr í vikuni boðaði Flóvin Eidesgaard, ein íðin javnaðarmaður og íðin kjakari á Facebook, frá, at løgmaður hevði strikað seg sum vin. Helst er løgmaður troyttur av øllum viðmerkingunum frá Flóvini.
Men í gjár boðaði so Heini Festirstein, sum eisini er íðin kjakari á Facebook frá, at løgmaður eisini hevur strikað seg sum vin á Facebook.
Heini Festirstein er grafikari, og hann hevur gjørt eina stuttliga forsíðu av Se & Hør, sum uttan iva er íblást av nýggjársrøðu løgmans.
Spennandi verður, um løgmaður fer at halda fram á Facebook, ella um hann fer at gera eina »Jónu Mortensen« og sletta síni spor...
