Soleiðis skrivaði løgmaður á Facebook í gjár eftir at hava lisið Sosialin.
Blaðið spurdi løgmann, um hann hevði ætlanir um at broyta skipanina við, at landsstýrismenn fáa dupulta løn, tá teir koma aftur í tingið. Vit spurdu løgmann, tí hann er samgonguleiðari, og tí, at tað hann var tingmaður vildi hann so fegin broyta hetta, at hann legði fram uppskot á ting um tað.
Men nú, tá løgmaður sjálvur fær eina fjórðingsmillión eyka, tá hann fer aftur í tingið, svarar hann, at hann hevur onnur stórmál at fáast við. Beinleiðis spurdur, segði hann »nei«·
Tí staðfesta vit, at hann góðtekur dupulta løn. Hvussu skal tað annars skiljast?
Í tíðini hjá Kaj Leo Holm Johannesen sum løgmanni fer at hetta tí kosta skattaborgarum minst 3,4 milliónir krónur. Við at broyta lógina kann løgmaður spara upp til 1,6 millión krónur.
Men tað hevur løgmaður so ongar ætlanir um...
