Tað sigur Hans Waag, stjóri í Handilskjallanum í gongugøtuni í Havn.
Hans Waag sigur, at handlarnir í miðbýnum í hesum døgum eru í sambandi við býráðið um parkeringsviðurskiftini. Teir hava fingið lovað, at teir fimm, seks básarnir, sum eru uttan fyri Handilskjallan ikki skulu takast burtur, men nú gøtan verður umvæld, sær tað kortini soleiðis út.
- Vit ynskja einki stríð við býráðið um hetta, men tað tykist løgið, at summi skulu hava serrættindi, tá parkeringsplássini eru so fá, sigur Hans Waag.
Hann sigur, at teir seks básarnir uttan fyri Handilskjallan hava sera stóran týdning fyri teir fýra handlarnar í Handilskjallanum. Har er loyvt at parkera í hálvan tíma, og tað er sera hóskandi, sigur Hans Waag.
