Tað verður ein ovurstór avbjóðing fyri tað grønlendska samfelagið, um landið skal halda lyftið um at skarva átta prosent av CO2-útlátinum tey næstu fýra árini. Tað kom fram á einari ráðsyevnu í Nuuk fyrr í vikuni, har umleið 80 umboð fyri heimastýrið, vinnulívið og ymsar stovnar luttóku.
Síðani 1990 hevur grønlendska CO2-útlátið verið veksandi, og nú er tað umleið 650.000 tons um árið. Luttakararnir ásannaðu, at tað verður ein ovurstór avbjóðing at røkka tí ásetta málinum, men hildu, at tað fer at bera til at koma væl áleiðis.
Millum hugskotini, sum komu fram á ráðstevnuni, vóru uppskot um at byggja vatnorkuverk og at seta í verk tiltøk, sum skulu eggja fólki til at brúka minni orku. Harafturat varð tosað um at seta serligt avgjald á stórar bilar.
