Kyndil ger nógv burturúr, nú mansliðið hjá felagnum hevur vunnið seg í FM-finaluna hjá monnum.
Fyrsta finalan millum Kyndil og Neistan um FM-heitið í Atlantic Airways-kappingini verður spæld í høllini á Hálsi skírishósdag kl. 17.00.
Kyndil heitir á sínar fjepparar um at møta fjølmentir í Bowlinghøllini kl. 15.30 skírishósdag at hita upp til finaluna.
Spælarar á 1. kvinnuliði standa fyri andlitsmáling, og hitað verður eisini upp við kyndilstónleiki.
Øll, sum møta í grønari troyggju ella grønum venjingarbúna fáa eitt serligt tilboð.
