Kyndilsmenn taptu eisini triðja bólkadystin í sterku kappingini "Krste Andonovski International Tournament" í Norðurmakedonia.
Í dag mátti Kyndil lúta 21-34 fyri serbiska liðnum, HC Partizan. Í steðginum sá ikki heilt illa út. Tá var Kyndil aftanfyri 11-15.
Kyndil tapti ígjár 20-28 (10-15) fyri kroatiska liðnum, Nexe. Fyrradagin tapti Kyndil 25-39 (13-21) fyri vertsliðnum, HC Ohrid.
Leygardagin spælir Kyndil ein plasseringsdyst, ið verður seinasti dysturin á ferðini.
7. september spælir Kyndil stórsteypadyst móti H71.
