Eftir at hava spælt tveir javnleikir móti Neistanum hetta kappingarárið, eydnaðist tað í dag hjá Kyndilskvinnur at knógva grannunum.
Kyndil var omaná stórt sæð allan dystin. Eina løtu fyri steðgin var munurin fýra mál, men Neistin gjørdi ein vørr seinastu minuttirnar undan steðginum, soleiðis at munurin tá bert var tað eina málið.
Eftir steðgin vann Neistin seg upp á javnt, men so fekk Kyndil aftur gongd á. Eftir hetta rann Neistin alla tíðina aftaná, og hóast nervin ikki hvarv úr dystinum, so hildu tær grønu tørn allan vegin á mál.
Við sigrinum hevur Kyndil nú 19 stig á oddasessinum. Neistin er nummar trý við 13 stigum.
Neistin-Kyndil 21-24 (10-11)
