Tað er ikki óvæntað, at Kyndil er at finna í hálvfinaluni í Coca Cola Cup steypakappingini hjá kvinnum. Besta liðið hjá Kyndil spældi nevniliga móti næst besta liðnum hjá Kyndil og vann 44-18.
Fjórðingsfinalurnar í steypakappingunum hjá bæði monnum og kvinnum verða spældar í vikuni. Í gjár spældu besta liðið hjá Kyndil móti næst besta liðnum hjá felagnum. Besta liðið vann greitt 44-18. Bjarta Johanesen var toppkjútti við 14 málum, meðan Turið Arge skoraði 10.
VB hevur longu tryggjað sær eitt pláss í hálvfinaluni. Tað gjørdu tær um vikuskiftið við sigri á VÍF/Tjaldur.
Fleiri dystir verða í dag og komandi dagarnar.
Coca Cola Cup fjórðingsfinalur menn:
Týsdagin 8. jan 2013
18.30 Neistin StÍF (kvinnur)
19.00 Stjørnan Neistin 1 (kvinnur)
19.45 H71 Neistin 1 (menn)
Mikudagin 9. jan 2013
19.30 Team Klaksvík StÍF (menn)
20.00 KÍF Kyndil (menn)
Hósdagin 10. jan 2013
19.30 VÍF Neistin (menn)
