Í Saudiarabia hava nógvar kvinnur valt at seta við bilróðrið í dag, sjálvt um kvinnur sambært lógini ikki hava loyvi at koyra bil. Men endamálið við dagsins tiltaki er júst at noyða myndugleikarnar at broyta lógina, sum sambært kvinnunum kúgar landsins kvinnur.
Fyri einum mánað síðani varð kvinnan Manal al-Sharif sett í fongsul, tí hon hevði koyrt bil og lagt eina myndaupptøku av biltúrinum á alnótina.
Mannarættindafelagsskapurin Amnesty International styðjar tær saudiarabisku kvinnurnar.
-Saudiarabia má gevast við at fara við kvinnum, sum vóru tær minni verdir borgarar, og kvinnurnar mugu fáa loyvi at koyra bil, sigur felagsskapurin.
