Stóri spurningurin í kvinnukappingini í fótbólti er, um KÍ kvinnurnar enn einaferð fara at megna at vinna FM heitið. Trý tey seinastu árini hevur EBS/Skála vunnið silvur, og aftur í ár eru tað KÍ og EBS/Skála, sum kappast um oddasessin.
Á middegi í dag hittast hesi bæði liðini fyri fyrstu ferð í ár í landskappingini. Tað verður við Margáir.
Tá ið tað letur til, at hesi liðini altíð vinna á hinum liðunum, so verður hetta ein av lyklauppgerðunum í stríðnum um FM heitið.
EBS/Skála hevur spælt fýra dystir og vunnið allar við samantalda málmuninum 15-2. KÍ hevur spælt tríggjar dystir og vunnið allar við samantalda málmuninum 14-1.
Útsetti dysturin millum B36 og KÍ verður mikukvøldið í Gundadali.
Í dag
ÍF/Víkingur-B36: Kjartan á Gravarbø kl. 12.30
B68-HB: Bogi Hansen kl. 17.00
EBS/Skála-KÍ: Elsa Andreasen kl. 12.30
Støðan
EBS/Skála 12
KÍ 9
HB 6
B36 3
ÍF/Víkingur 3
B68 0
KÍ og B36 hava spælt tríggjar dystir, og hini liðini hava spælt fýra dystir
