Seinnapartin í morgin fara flogbóltskvinnurnar í altjóða eldin. Mótstøðuliðið í mogin er Skotland. Talan er um EM endaspæl fyri smátjóðir. Føroyar hava fyri fyrstu ferð spælt seg til finalu kappingina um europeiska meistaraheitið fyri smátjóðir.Føroyar vunnu seg í finalu bólkin, við at vinna innleiðandi bólkin sannførandi í Íslandi í fjør.
Hesaferð verður spælt í Schaan í Liktenstein. Hini londini í finalu kappingini eru Skotland, Luksemborg, Kýpros og Liktenstein.
Kappingin er skipað sum ein bólkur, har øll liðini spæla einaferð ímóti hvørjum øðrum. Tað liðið er meistari, sum vinnur flestar dystir.
Dystarskráin hjá Føroyum er hendan:
Fríggjadagin 15. mai
Klokkan 16.30: Føroyar - Skotland
Leygardagin 16. mai
Klokkan 13.00: Føroyar - Liktenstein
Klokkan 19.00: Føroyar - Kýpros
Sunnudagin 17. mai
Klokkan 15.30: Føroyar - Luksemburg
KvF hevur beinleiðis frásøgn frá dystunum.
Venjararnir Boban Ilic og Bartal Eliasen hava úttikið hesar 12 spælararnar
Sóley Poulsen, KÍF
Guðrun Joensen, KÍF
Elisabeth Purkhús, Mjølnir
Femja Mortensen, TB
Helga Guttesen, SÍ
Eva Nagata, Fleyr
Anja Danielsen, Fleyr
Birgit Guttesen, Amager
Eina Kalsø, Amager
Sofía Purkhús, Amager
Karina Debes, VLI
Urd Traðará, Aalborg
