Tvær nýskipanir eru, nú danska stjórnin bleiv umskipað. Fyri fyrstu ferð hevur landið fingið eina kvinnu til uttanríkisráðharra, samstundis sum ein onnur kvinna er vorðin verjumálaráðharri.
Tað kom ikki óvart á nakran, at Lene Espersen bleiv uttanríkisráðharri, tí tað hevur ligið á ljóði leingi, at hon skuldi loysa floksfelagan Per Stig Møller av.
Í gjár kunngjørdi Søren Gade, at hann hevði ikki hug at halda fram í politikki, og tí skuldi stjórnin hava ein nýggjan verjumálaráðharra.
Tað valið fall á Vinstra-kvinnuna Gitte Lillelund Bech, sum hevur verið formaður í uttanríkispolitisku nevndini hjá Fólkatinginum.
