Fram móti seinastu jólum vórðu stig tikin til at savna fólk í Kvívík til kórsang aftur í kirkjuni um jólini. Úrslitið var so hugaligt, at hildið varð fram við hesum kórarbeiði eftir nýggjár, og síðan hevur kórið tvær ferðir verið alment frammi: í sambandi við skúlavígslu í Kvívík grækarismessudag og á kórstevnuni á Eysturskúlanum í Havn 9. apríl.
Og nú sunnudagin kl. 17.00 býður kórið til egna konsert í Kvívíkar Skúla. Á skránni eru føroyskir upprunasangir og sangir í føroyskari týðing - teir flestu vár- og summarsangir -; men eisini verður sungið á øðrum tungumálum. Kórleiðari er Ólavur Hátún.
