Øll tíðarrit hava ikki líka langa livitíð, men Kvørnin, sum Sands Fornminnafelag gevur út, er komin regluliga út í 15 ár.
Nýggjasta blaðið er skrivað av Palla Dalsgaard, Hanusi A. Samuelsen og Ólavi Clementsen. Tær flestu greinirnar eru um farna tíð, men nortið verður eisini við nýggju tíðina og broytingar í tíðini.
Palli Dalsgaard skrivar um gongutúr sín í Skálavík og hugleiðir um eitt og annað. Hann hevur eisini skrivað eina áhugaverd um Tór Dalsgaard, sum á so mongum økjum var undangongumaður.
Hanus A. Samuelsen skrivar um bøin í Húsavík og greiðir frá nøvnum og hendingum á bønum.
Ólavur Clementsen skrivar hesaferð um ættfólkið í Króki og um barnaár síni á Klovanum á Sandi og ungdómsár í Havn. Í starvi sínum á Matrikulstovuni feraðist hann runt í landinum, hann róði kapp, og so hevur hann hugleitt um tiltikna læraran DD, sum góður var við tað danska.
Ì Vági var biografur, men eigarin læt illa at uppmøtingini, og hví so var, ber til at lesa um í Kvørnini.
