Á skránni er felagssangur, næmingaframløga, klumman hjá Meinhardi Jensen, nógvur og góður tónleikur frá næmingum, umframt at Hanna Vang, almennur ákæri, hugleiðir um førning og førleika úr Studentaskúlanum.
Kvøldsetan er ein góður møguleiki at fáa eitt áhugavert og hugnaligt kvøld, bæði fyri tónleikaáhugað, fyrrverandi næmingar, foreldur og onnur avvarðandi hjá næmingum og annars øll, sum hava hug at vitja skúlan og fáa meiri at vita.
Høvi verður at keypa sær ein kaffimunn og okkurt afturvið frá næmingum, sum savna pening til námsferð, samstundis sum til ber at síggja skúlan og fáa eitt prát við næmingar, lærarar og lestrarvegleiðarar.
Tiltakið er alment og ókeypis.
