Kvæðamentanin aftur vunnið sær heiðurspláss

-Í dag er ressandi og gleðiligt at síggja, at føroyska kvæðamentanin aftur hevur vunnið sær sítt rætta heiðurspláss. Dansimentanin er lyft upp aftur á eitt hægri støði. Hon er skipað. Dansifeløgini leggja karmarnar, fyri at brúka samfelagsfrøðilig hugtøk. So stendur hvørjum frítt at dansa og kvøða eftir egnum ynski. Nú fer hesin mentaarvur ongan veg. Tit hava tryggjað hann segði Heðin Mortensen, formaður í Mentamálanevnd Tórshavnar Býráð, tá hann setti landsdansistevnuna í Havn herfyri. Vit prenta røðu hansara.