Kurdiski arbeiðaraflokkurin PKK eggjar nú øllum kurdum í Turkalandi til at gera uppreistur ímóti myndugleikunum í Ankara. Orsøkin er vreiðina er, at flogfør hjá turkiska flogvápninum drupu 35 kurdar í einum álopi har eysturi í landinum í gjár.
-Vit eggja øllum fólkinum í Kurdistan til at mótmæla hesum hópdrápinum og at gera uppreistur, stendur í einari yvirlýsing frá teirri vápnaðu deildini í PKK, sum turkiska stjórnin hevur skrásett sum yvirgangsfelagsskap.
Stjórnarflokkurin í Turkalandi ásannaði í gjár, at loftálopið var kanska eitt mistak, og at teir 35 menninir, sum doyðu, vóru kanska ikki kurdiskir uppreistrarmenn. Avvarandi hjá teimum falnu siga, at talan var um ungar menn, sum høvdu verið í Irak eftir sigarettum og øðrum smuglaravørum. Loftálopið var tætt við markið millum Turkaland og Irak.
