Í nýggjastu útgávuni av felagsblaðnum Mið og Magn, viðgerð formaðurin í Føroya Skipara- og Navigatørfelag, Annfinnur Garðalíð, happing umborð á skipum.
- Happing er helst hin størsta spillan, sum kann vera umborð á skipi, og í ringasta føri kann ágangurin kennast so øgiligur, at menn gera av við seg, sigur hann við blaðið.
Hann var fyrr í dag gestur í tíðindasendingini hjá Rás 2.
- Happing er ein forferdilig spilla, sum kann vera millum menn umborð á skipi, og hvagar skalt tú flýggja? Tú hevur ongastaðni at flýggja, tí skipið hevur jú sínar avmarkingar, greiðir hann frá.
Trýst á pílin undir myndini fyri at hoyra samrøðuna við Annfinn Garðalíð.
