– Stóra navnið á Summar Festivalinum næsta ár verður minst líka spennandi, sum høvuðsnavnið í fjør, Twisted Sister, siga fyrireikararnir
Startskotið til Summar Festivalin 2015, sum verður hildin í døgunum frá 6. til 8. august, verður skotið seinnapartin í dag, tá høvuðsnavnið verður avdúkað í beinleiðis sending á Rás2 klokkan 15.
Forsølan til Summar Festivalin byrjar byrar eisini seinnapartin í dag, og tað er í hesum sambandi, at høvuðsnavnið verður avdúkað.
Rás2 sendir í ein tíma við tíma seinnapartin við práti við fyrireikara, tónleiki hjá bólkinum, ið verður avdúkaður, og lurtarakapping um atgongumerki.
Í fjør var amerikanski rockbólkurin Twisted Sister høvuðsnavn á Summar Festivalinum, og fyrireikararnir siga, at teir draga eina minst líka spennandi kanin burtur úr hattinum seinnapartin í dag.
Atgongumerki til Summar Festivalin verða seld á heimasíðuni sf.fo eftiravdúkingina í dag og frá í morgin í Telebúðum.
