Løgmaður, landsstyrismaðurin í fíggjarmálum landsstýrismaðurin í innlendismálum, landsstýriskvinnan í almannamálum og landsstýrismaðurin í mentamálum eru á veg í Sandoynna at hava fund við kommunurnar um ætlaðu samanleggingina av kommunum.
Fyrrapartin var fundur við kommunurnar í Vestmanna og Kvívík og við Tórshavnar kommunu, og í morgin, Kári P. Højgaard, landsstýrismaður í innlendismálum letur væl at fundinum.
Fríggjadagin og mánadagin er ætlanin at hava fund við kommunurnar á hinum økinum í landinum.
Vegleiðandi fólkaatkvøða um kommunusamanlegging verður í øllum kommunum hósdagin 3. mai.
Landsstýrið ætlar at býta landið upp í sjey kommunur.
1) Norðoyggjar t.e. Fugloyar, Viðareiðis, Hvannasunds, Klaksvíkar, Kunoyar og Húsa kommunur.
2) Eysturoy, t.e. Fuglafjarðar, Eystur, Nes, Runavíkar og Sjóvar kommunur.
3) Sundalagið, t.e. Eiðis og Sunda kommunur.
4) Streymoy, t.e. Tórshavnar, Vestmanna og Kvívíkar kommunur.
5) Vágar.
6) Sandoy og Skúvoy.
7) Suðuroy.
