Tað kom fram á rættarfundinum í gjár, tá teir báðir á dekkinum vórðu avhoyrdir av nýggjum.
Tað kom ikki framundir sjóforhoyrinum, men á rættarfundinum í gjár.
Tað var nevniliga ei rúgva av óruddi á dekkinum har afturi, sum gørnini vórðu sett.
Har vóru plastposar, ið vórðu nýttir til at pakka fiskin inn í, og har vóru garnarestir, vatnfløskur og togendar.
Tað var í hesum, at lykkjan, sum tók um beinið á 34 ára gamla indonesanum, lá.
Teir báðir dekkararnir greiddu frá, at tað var har, teir vóru staddir, tá vanlukkan hendi.
Báðir søgdu, at var dekkið frítt, var vanlukkan helst ikki hend.
