Felagið Tign finst nú at, at Heilsumálaráðið ætlar at senda kommununum rokningina fyri ta røkt, fólk fáa á sjúkrahúsunum, sum ikki kunnu útskrivast, tí hvørki heimarøkt ella røktarheim eru at taka sær av teimum.
Les eisini Fullkomiliga órímiligt og ábyrgdarleyst
Tign sigur tað vera fullkomuliga ábyrgdarleyst, at Heilsumálaráðið leggur hesa uppgávuna aftrat út á kommunurnar, minni enn tríggjar mánaðir eftir, at tær hava yvirtikið røktarøkið.
Betzy Ludvig, skrivari í Tign, stúrir fyri, at nøkur av hesum fólkum kunnu koma í klemmu í skipanini, og hon greiddi frá sínum sjónarmiðum í tíðundunum á Rás 2.
