Tað verður framvegis liggjandi høgætt og kuldi teir næstu dagarnar.
Sambært veðurmanninum, Petur Skeel Jacobsen verður lítil broyting í veðrinum fram til leygardag.
- Tá verður hann útsynningur í ættini, og tað verður heldur lýggjari, greiðir veðurmaðurin hjá Miðlahúsinum frá.
Hitin hesar næstu dagarnar fer at liggja frá frostmarkinum og upp ímóti trimum stigum.
Sum eina troyst kann nevnast, at tað verður ikki tað nógva avfallið fram ímóti vikuskiftinum.
