Høgættin hevur aftur lagt sína køldu hond omanyvir landið. Tað er kalt, og veðrið er rættuliga skiftandi. Ælini eru frek, og høgættin er bítandi køld.
Kortini er eingin ivi um, at fótbólturin fer á rull seinnapartin. Tríggir dystir eru klokkan 15: HB-B36, Víkingur-ÍF og NSÍ-B71. Rás2 fer at siga frá uppgerðini á Argjum, har fyrsta bríkslið verður klokkan 17. Talan verður um botnuppgerð millum AB og FC Suðuroy.
Í annaðkvøld klokkan 18 fær EB/Streymur vitjan av B68. Tá ið tann dysturin verður liðugur, verður fyrsti triðingurin av ársins útgávu av Vodafonedeildini av.
Veðurmenninir siga frá frískum loti av útnyrðingi og norði seinnapartin, loftið verður skýggjað, og viðhvørt fer sólin at kaga undan. Hitin verður millum 3 og 7 stig, og tað verður ælaveður ? í støðum vátakavi ella heglingur.
9. umfar
Ídag:
HB-B36: Lars Múller kl. 15
Víkingur-ÍF: Ransin N. Djurhuus kl. 15
NSÍ-B71: Petur Reinert kl. 15
AB-FC Suðuroy: Eiler Rasmussen kl. 17
Ímorgin
EB/Streymur-B68: Dagfinn Olsen kl. 18
Støðan undan 9. umfari
HB 17
ÍF og Víkingur 15
NSÍ 13
B36 12
EB/Streymur 11
B68 10
FC Suðuroy og B71 6
AB 3
