Krokodillur busta ikki tenn er litrík og stuttlig myndabók um munin á at vera dýr og barn. Tá ið barnið ikki tímur at greiða sær, kann vera stuttligt at vita, at hóast leyvur hava nógv hár, so greiða tær sær heldur ikki. Ken Wilson-Max hevur teknað og týddi úr enskum.
Pippi Langsokkur á Kurrikurriduttoynni er nýggj myndabók við tekningum eftir Ingrid Nyman. Pippi fer at ferðast til Kurrikurriduttoynna saman við Anniku og Tummasi. Bókin er løgd til rættis eftir søgum úr Pippi í Suðurhøvum, sum Turið Sigurðardóttir týddi. Kendu tekningarnar hjá Ingrid Nyman hava fingið lit, men Pippi sjálv er framvegis líka sterk og ger framvegis akkurát tað, hon hevur hug til.
Ungdómsbókin Hevnd er ein sera spennandi krimisøga um, hvør tordi at gera seg inn á Ahmed Sirr. Umframt at vera spennandi er søgan eisini viðkomandi og sera aktuell. Her rillar trúgvin á Gud, her bylgist hugurin at fáa hevnd, og her trívist fremmandahatur. Í hesum meldrinum skulu Fors og starvsfelagar hansara royna at fáa skil í galskapinum og finna út av, hvør drap Ahmed Sirr og hví. Jákup í Skemmuni hevur týtt Hevnd úr svenskum.
