KÍ hevur gjørt nýggjan sáttmála við Kristoffur Jakobsen, sum hevur verið millum profilarnar hjá KÍ í hesum kappingarárinum
18 ára gamli Kristoffur Jakobsen hevur verið millum stuðulsspælararnar á KÍ-liðnum í ár, og nú hevur KÍ tryggjað sær U21-landsliðsspælaran til næsta kappingarár.
- Fyrireikingarnar til næsta kappingarár eru longu farnar í gongd. Leiðslan í KÍ fegnast um, at Kristoffur Jacobsen er knýttur at felagnum næsta kappingarár. Næstu tíðina fer leiðslan í KÍ at endurskoðað leikarasáttmálarnar, og ætlanir eru um at styrkja hópin til næsta kappingarár, skrivar KÍ á heimasíðu sínari.
