Ungi og evnaríki føroyski málverjin, Kristian Joensen, sum í fjør spældi í danska felagnum Lyngby BK, verður helst at síggja aftur í føroyskum fótbólti hetta kappingarárið.
Málverjin hevur síðani ársskifti leita eftir nýggjum felagið, har útlandið alla tíðina hevur verið fyrsta raðfesting.
Men Kristian Joensen sigur í dag við in.fo, at tann raðfestingin nú er broytt.
- Av tí at einki áhugavert tilboð er komið úr útlandinum, er tað ein góður møguleiki fyri at eg fari at spæla í Føroyum.
Í løtuni dugir Kristian Joensen ikki at siga, hvar í Føroyum hann fer at spæla, men viðgongur at áhugi er frá føroyskum feløgum.
Hvar Kristian Joensen fer at spæla, verður helst greitt í nærmastu framtíð, tí mánakvøldið á midnátt letur føroyska flytingarvindeygað aftur.
22 ára gamli Kristian Joensen hevur áður umboðað NSÍ, 07 Vestur og B68 í føroyskum fótbólti.
