Kristian skoraði hattrikk

Fyri fjórðu ferð í ár vann KÍ í kvøld heilt stóran sigur. Teir næstbestu hjá B36 vóru í Klaksvík, og teir fóru suður aftur við 6-0 tapi.

Eftir fyrra hálvleik var 3-0, og dagsins maður hjá heimaliðnum var Kristian Svabo Eliasen, sum skoraði øll trý málini í fyrra hálvleiki og harvið skoraði reint hattrikk. Fyrsta málið skoraði hann í 12. minutti, og so skoraði hann aftur í 36. og 42. minutti. 21 ára gamli Kristian Svabo Eliasen hevur í ár verið 11 ferðir á næstbesta KÍ liðnum, og hann hevur skorað fýra mál.

Tá ið ein tími var farin, økti miðvallarin Dávid B. Andreasen, sum í kvøld var á vøllinum allan dystin á tamb, um munin til 4-0. Hetta var sjeynda málið hjá honum í næstbestu deildini í ár.

Verjuspælarin Símun Kalsø økti 20 minuttir undan leikloki um munin til 5-0. Hann hevur tilsaman skorað trý mál, og innskifti Eivin Sørensen staðfesti eitt korter undan leikloki trivaliga heimasigurin. Hann hevur skorað sjey mál.

KÍ er og verður á fimta plássi. Klaksvíkingar hava 43 stig. B36 er á áttanda plássi viið 27 stigum. Sjey minuttir undan leikloki bríkslaði dómarin fyri brotssparki til B36. Hans Jákup Annfinsson royndi seg úr 11 metrum, men bólturin tók í stólpan og fór út til málspark.

Fríggjakvøldið fær B36 í 27. og síðsta umfari vitjan av Víkingi, og KÍ fær fríggjadagin vitjan av 07 Vestur.

-

KÍ – B36 6-0 (3-0)

1-0: Kristian Svabo Eliasen 12.

2-0: Kristian Svabo Eliasen 36.

3-0: Kristian Svabo Eliasen 42.

4-0: Dávid B. Andreasen 59.

5-0: Símun Kalsø 70.

6-0: Eivin Sørensen 74.

-

Víkingur – HB 6-0 (2-0)

1-0: Ingi Jonhardsson 8.

2-0: Signar á Brúnni 33.

3-0: Bergur Jákupsson Poulsen 48.

4-0: Magnus Heinason 63.

5-0: Runar Skylv Stølen 66.

6-0: Magnus Heinason 88.

-

07 Vestur – NSÍ 4-1 (2-1)

1-0: AriDahl-Olsen 13.

2-0: Ari Dahl-Olsen 41.

2-1: Kári Johannesen 44.

3-1: Zoran Vujovic 69.

4-1: Albert Theis Nielsen 85.

-

B71 – Undrið FF 1-0

1-0: sjálvmál 78.

-

TB – ÍF 0-0

-

-

27. umfar

Fríggjadagin 21. oktober

KÍ – 07 Vestur

ÍF – B71

Undrið FF – TB

HB – NSÍ

B36 – Víkingur