Føroyski U21 og A-landsliðsmálverjin, Kristian Joensen, spældi í kvøld allan dystin í donsku steypakappingini, tá Lyngby, sum spælir í næst bestu deildini, vann á Avarta, ið spælir í triðj bestu deildini.
Kristian Joensen skifti í summar frá NSÍ til Lyngby. Hann hevur í fyrru hálvu av landskappingini verið útleigaður til B68. Nú hevur hann fingið hol á yrkisleiðina sum málverji hjá Lyngby.
Lyngby hevur fingið eina góðan byrjan upp á landskappingina í næst bestu deildini. Aftaná trý umfør hevur Lyngby saman við trimum øðrum feløgum sjey stig í oddinum.
