- Vit eru sera takksom fyri álitið, ið fólk vísa okkum. Eftir tí, ið brúkarar og avvarðandi siga, eigur KRIS lívið í mongum av teimum, ið hava hava verið fyri kynsligum ágangi. KRIS hevur havt aðalfund, og í hesum sambandi hevur felagsskapurin sent fjølmiðlunum sína ársfrágreiðing. Felagsskapurin hevur nú virkað í meiri enn 10 ár.
- KRIS hevur í verki víst sín tilverurætt. Vit hava verið við til at seta kynsligan ágang í brennidepilin, eins og vit í ovurstóran mun hava hjálpt mongum av teimum, ið hava verið fyri hesum herviliga órætti.
Felagsskapurin sigur seg fegnast um tann áhuga og ans, ið fólk, fjøld og miðlar hava givið felagnum og arbeiði felagsins.
- Vit eru takksom fyri alla ta hjálp, ið persónar, feløg og myndugleikar hava veitt okkum. Uttan ósjálvsókna hjálp frá starvsfólki og øðrum hevði hetta als ikki borðið til.
Í KRIS eru tey ógvuliga takksom fyri álitið, ið fólk vísa felagsskapinum.
- Tað er einki ov nógv at siga, at KRIS ? eftir tí, ið brúkararnir og avvarðandi siga ? eigur lívið í mongum av teimum, ið hava hava veri fyri kynsligum ágangi. Tí er tað eisini frustrerandi, at vit ikki kunnu hjálpa enn fleiri enn betri, nú tørvurin er so ovurhonds stórur, sigur felagsskapurin.
