-Kriminaliteturin millum børn og ung er ein stórur trupulleiki. Teir sokallaðu bakmenninir draga børnini inn við at fáa tey bundin av rúsevnum og at enda vilja tey gera alt fyri tann næsta rúsin. Vit vita eisini, at ung brúka sex fyri at fáa sítt rúsevni, sigur Hildur Hermansen, leiðari á Barnaheiminum.
-Vit vita, at unglingar eisini verða nýtt til seksuellar tænastur av ymiskum slag. Tey eru kynsliga saman við øðrum, uttan at hava givið sítt samtykki ella uttan at tora at siga nei. Tað er ein formur fyri valuta í hasum umhvørvinum, sigur Hildur Hermansen.
Í Vikuskiftis Sosialinum í dag kanst tú lesa rámandi lýsing av tí kriminella umhvørvinum, sum børn og ung í Føroyum í dag liva í.
Blaðið kemur á gøtuna í Havn í dag og kring landið í morgin.
