Eftir at tað frættist, at USA hevur gjørt av fyribils at steðga allari vápnaveiting til Ukraina, fegnast tey sjálvsagt í Kreml.
- Um hetta er rætt, fer tað at eggja Kyiv til at søkja frið, sigur Kreml í einari útsøgn, sum Reuters endurgevur.
Í Kreml halda tey, at ein steðgur í amerikansku vápnaveitingini til Ukraina er besta íkastið til frið.
- Vit bjóða ynskinum hjá Trump um frið vælkomnum, verður sambært Reuters sagt úr Kreml.
Í einari útsøgn heldur Kreml tað vera líkt til, at Evropa roynir at kompensera fyri mista hernaðarstuðulin úr USA
- Skulu viðurskiftini millum Russland og USA normaliserast, mugu revsititøkini móti Russlandi beinast burtur, verður sagt úr Kreml.
