Brad Pitt má vera ein tann kendasti maðurin í heiminum og helst eru nógv kvinnuhjørtu smeltað av sjeikaliga Hollywood sjónleikaranum.
Og tað hava tey í Norwegian í Norra brúkt í síni egnu marknaðarføring. Nú lýsa tey við einvegis ferðaseðlum til úr Oslo Los Angeles í USA og lýsingin ljóðar "Brad er stakur" og so sjálvandi er einvegis kostnaðurin á lýsingini.
Tað var fyrr í vikuni, at allir heimsins miðlar vóru á tremur við tíðindunum um, at Angelina Jolie hevur biðið um hjúnaskilnað frá Brad Pitt.
Tey bæði mugu sigast at vera kendasta parið í Hollywood samanhangi. Spurningurin er tó, um norskar kvinnur nú fara streymandi til L.A. í royndini at fanga hendan sjeikin. Í øllum førum kunnu vit siga, at lýsingarfólkini hjá Norwegian hava verið óvanliga kreativ í hesari lýsingini.
