– Tá hann blásti í alkometrið vísti tað seg, at hann var sera ávirkaður. Hann varð tikin við á støðina, og hevur sovið í brummuni í nátt.
Talan var um ein útlending, og tá hann var sera drukkin, og vandi var fyri, at hann kundi farið aftur í bilin, varð bundið um heilan fingur við at lata hann sova á støðini, sigur vaktleiðarin á politistøðini í Havn.
Í gjár gjøri løgreglan eisini ferðslukanningar á Hvítanesvegnum í Hoyvík við Skógrøktina. Har vóru 40 bilar steðgaðir, men har stóð væl til, og einki mál varð skrivað.
