Leygardagin fekk politiið í Havn fráboðan um ein bil, sum lá mitt í Sandá í Havnardali. Júst har, sum bilurin lá, var so djúpt, at vatnið stóð heilt upp til rútarnar á bilinum. Viðkomandi, sum boðaði frá, visti ikki um nakar var í bilinum.
Tá politiið kom á staðið, dugdu teir ikki at síggja nakran í bilinum, og boð vóru send eftir brandbilinum, sum hálaði bilin úr ánni. Tað vísti seg, at ongin persónur var í bilinum. Forrúturin var brotin, og bilurin sjálvur er oyðilagdur av øllum vatninum.
? Tað vísir seg, at ungdómar hava til fragd at koyra rallykoyring við gomlum bilum við nummarplátum, oman ímóti ánni og yvir um ánna, sigur vakthavandi á politistøðini í Havn.
? Og hetta var eitt slíkt dømi. Men bilurin hevur bara ikki klára yvirum ánna.
Persónurin verður ákærdur fyri ikki at hava boðað løgregluni frá og fyri ábyrgdarleysa koyring, og kann tí vænta sær eina bót.
