Nógva staðni kring landið fara fólk nú at stákast við at gera jóladøgverðan kláran. Og nógvastaðni er tað dunnan, sum fer í ovnin.
Men nú ávarar Heilsufrøðiliga Starvsstovan ímóti einum ávísum slagi av dunnu, sum kanska er selt í Føroyu. Tað eru nakrar dunnur frá Geia Food A/S, sum nú verður ávarað ímóti. Fyritøkan hevur sjálv afturkallað eina sending av »Fersk frilands andebryststeg«.
Talan er um »Fersk Frilands Oscar andebryststeg 1500 g«. Framleiðsludagarnar eru 12/12-18, 13/12-18, 14/12-18 og 15/12-18, og strikukodan dunnunum er 5701012125396.
Talan er eisini um »Fersk Frilands andebryststeg 1500 g« har framleiðsludagurin er 12/12-18, 13/12-18, 14/12-18 og 15/12-18. Stregkode på produktet: 5706911008511
Heilsufrøðiliga Starvsstovan sigur, orsøkin til ávaringina er, at í summum førum luktar kjøtið illa og tí er tað ikki egnað at eta.
