Tað kostar nógvar pengar, um tú ætlar tær at keypa eitt atgongumerki til ein dyst í Premier League. Tað er eingin loyna, og nú prógvar ein uppgerð hjá Daily Mail, at Premier League-atgongumerkini eru nógv tey dýrastu.
Sambært uppgerðini hjá Daily Mail, so eru 12 Permier League-feløg ímillum tey 30 í heiminum, ið taka mest fyri eitt atgongumerki. Útrokningin er gjørd eftir hvussu nógv eitt agongumerki kostar í miðal.
Tað eru serliga tvey feløg, ið taka væl fyri. Arsenal er tað liðið, sum er dýrast at síggja, og ikki langt aftanfyri er Chelsea. Real Madrid er triðdýrasta liðið at síggja, meðan oddaliðið í Premier League, Manchester City, er nummar níggju á listanum.
Dýrasti miðalprísur fyri eitt atgongumerki:
1. Arsenal, 626 krónur
2. Chelsea, 581 krónur
3. Real Madrid, 472 krónur
4. Liverpool, 470 krónur
5. Bayern München, 464 krónur
6. Manchester United, 451 krónur
7. FC Barcelona, 436 krónur
8. Galatasaray, 411 krónur
9. Manchester City, 345 krónur
10. West Ham, 298 krónur
