Kostar løntakarum pengar

Tað sigur Føroya Ar­beiðs­gev­ar­a­felag í sambandi við broy­ting í semingslógini, sum felagið hevldur vera eina skilagóða broyting, ið líkist nógv donsku lógini.
Vinnuhúsið skrivar, at tað, sum al­menningurin higartil he­vur fingið at vita um nýggju semingslógina í stóran mun hevur verið støðan hjá ein­støkum fakfeløgum. Al­menna orðaskiftið hevur tí ver­ið heldur einsháttað, held­ur felagið.
– Tí veruleikin er, at vant­andi fráboðanarfreistin kost­ar báðum pørtum, tá ið sam­ráð­ingar eru. Orsakað av vant­andi fráboðanarfreistini taka fleiri arbeiðsgevarar fyri­varni fyri møguligum verk­falli og steðga virk­semi­num nakrar dagar áðrenn, eitt møguligt verkfall kann lýs­ast. Hetta ger, at fólk ikki sleppa til arbeiðis, hóast nógv er at gera, sigur Føroya Ar­beiðs­gevarafelag, sum sigur, at manglandi fráboðan­ar­freist­in í Føroyum kostar løn­tak­a­runum minst tvær mill­iónir krónur um dagin.
– Fakfeløginix hava eisini lyndi til at siga, at nýggja sem­ings­lógin ger seg inn á fría sam­ráðingarrættin, og at »vápnið« hjá fakfeløgunum - verk­fallið - verður skert. Hetta er langt frá all­ur sann­leik­in. Latið okk­um sam­­anbera donsku sem­ing­s­lógina við føroyska upp­skot­ið til semingslóg.
• Danska sem­ings­lóg­in hev­ur víðfevndan sam­an­­teingingarrætt, sum tá­­verandi javnaðarstjórnin sam­­tykti longu í 1934 - før­oyska uppskotið hev­ur sera avmarkaðan sam­an­teing­ing­ar­rætt.
• Danska semingslógin ­hev­ur ásetingar um ur­at­kvøðu - hendan er ikki við í før­oyska uppskotinum, hó­ast hon er við í galdandi sem­ingslóg.
• Danski semingsmaðurin kann útseta verkfall í tvær vik­ur tvær ferðir - føroyski sem­ings­maðurin í eina viku eina ferð.
• Danska semingslógin fekk fráboðanarskyldu á tveir dagar inn í 1958, hon er nú fimm dagar - føroyska upp­skot­ið leggur upp til tveir dagar. Eisini í 1958 var tað ein javnaðarstjórn, sum fekk fráboðanarskylduna inn.
• Danski sem­ings­stovn­ur­in er fult fíggjaður av tí al­menna - føroyska upp­skot­ið leggur upp til, at eis­ini partarnir á ar­beiðs­markn­að­i­num rinda ein part.
– Uppskotið til nýggja før­oyska semingslóg er sostatt als ikki so víðgongt, sum fak­fel­øg­ini vilja gera tað til. Tað er ein dagføring av tí 85 ára gomlu semingslógini, sum vit hava í dag, og sum tíðin langt síðan er farin frá, sigur Før­oya Arbeiðsgevarafelag, sum heldur, at fakfeløgini síggja trøll á alljósum degi - hetta er ein sera lagalig sem­ings­lóg. Verkfalsvápnið er ó­skert og somuleiðis sam­ráð­ing­ar­rætt­ur­in.