Talan er ikki um bíligt leigumál, nú Henrik Larsson skal spæla við Manchester United fram til mars mánað. Fyri Helsingborg man talan í øllum førum vera um framúr avtalu. Svenska kappingarárið liggur nevnliga stilt, og sæð burtur frá nøkrum dystum í Royal League missur Henke ongan dyst fyri svenska felagið. Inntøkurnar eru hinvegin stórar. Sambært svenskum miðlum, so kastar leigaavtalan hvønn dag 117.370 kr. av sær fyri hvønn av teimum 71 døgunum, sum hendan er galdandi.
