Tað eru nógvir spurningar og nógvir leysir endar, tá ein farsótt sum covid-19 rakar. Blóðroyndir eru til skjals í øllum londum, og tí ber til at kanna, um hesar eitt nú hava andevni móti covid-19 í sær.
Tíðindastovan NTB veit at siga, at granskarar í Noregi hava funnið út av, at covid-19 helst var í Noregi heilt aftur til desember 2019 - ella ein mánaða, áðrenn fyrstu tilburðirnir alment vórðu staðfestir í Evropa.
- Eg eri sera bilsin. Vit kannaðu blóðroyndir aftur til desember 2019 fyri at vera heilt vís í, at vit fóru nóg langt aftur. Vit høvdu ikki væntað at funnið "positiv utslag" í hesum royndum so tíðliga.
Tað sigur verkætlanarleiðarin fyri norsku kanningini, Anne Eskild.
NTB skrivar, at fyrsti tilburðurin við covid-19 í Evropa varð staðfestur hin 27. januar í 2020, og hin fyrsti tilburðurin í Noregi varð staðfestur hin 24. februar sama ár.
- Kanningarnar vísa, at staðfestingarnar av andevni í blóði í Noregi soleiðis eru frá somu tíð, sum fyrstu tilburðirnir vórðu staðfestir í Kina. Hetta broytir frásagnirnar um koronu-farsóttina, heldur granskarin.
##med2##
