Hvar verða jólini hildin í ár?
- Seinasta ár hildu vit jól heima saman við okkara seks børnum, abba-og verbørnum. Eftir ætlan halda konan og eg jól og nýggjár í Danmark í ár.
Tað sigur Kári P. Højgaard, fyrrverandi løgtings-og landsstýrismaður.
Fer koronu-farsóttin at broyta tykkara jólatraditiónir?
- Korona broytir sjálvsagt jólahaldið. Gudstænastur og møtir, sum vanliga fylla nógv í jólahugnanum, verða í ár stroymdar, so fylgjast kann við í sjónvarpinum.
Hvat er á borðinum jóladagarnar?
- Í ár var dunna á borðinum jólaaftan, fleskasteik 1. jóladag, og stokt lambskjøt verður á borðinum 2. jóladag.
Hevur tú keypt jólagávur?
- Konan keypir, bindur og virkar allar jólagávurnar. Hesar vóru allar komnar í hús í góðari tíð. Vit "gomlu” keypa í felag okkurt sum manglar í húsunum.
At enda ynskir Kári P. Højgaard øllum eini gleðilig jól og eitt av Harranum vælsignað nýggjár.
